ممكن مساعدتكم بهدية زواج

[متوهق بعمري]

السلام عليكم ورحمة الله وبركاته

إخواني أعضاء المنتدى أنا من جد محتار ما أدري وش أهدي لولد عمي بمناسبة زواجة

فأطلب منكم المساعدة



وشكراً

[MSHAER]

والله مافي أفضل من القرآن الكريم الا اذا كان في شيء أغلى من القرآن !!

[ممرض محترف]

:smoke1: ليه ناوي تخليني اقبسها مع الشيبان

تراني ميت على العرس

خخخخخخخخخخخخ



اخوي الهدية ما انصحك فيها لان يبي يجيه هدايا كثير ولكن افضل ان تعطيه فلوس تنفعه

[عيال أبومتعب]

اخوي الهدية ما انصحك فيها لان يبي يجيه هدايا كثير ولكن افضل ان تعطيه فلوس تنفعه


هذا هو الحل الأمثل ولا هي مهاانه للقرآن ولا ماشابه ذاالك .. ولكن هو يمكن في أزمة ولكن مستحيل يتكلم ... إلا من كان كريم ومد يدهـ

والله يوفق ولد عمك ويوفقك وأن شاء الله نسمع ... صيت عرسك .. بإذن الله ...

[ألفا]

عنه بمبلغ يعينه على العرس وتكاليف العرس

[راكان العصيمي]

مبلغ من المال

[الشـمري]

والله الشباب متواجدين كلهم
تحبون طاري العرس
هههههههههههههههههههااااي
مثل ماقالو الفلوس

[سايق الخير]

والله أكيد الدرااهم بتنفعه أكثر
ولاتذاكر السفر عليك أذا انيه سفر
والله يوفقه ويرزقة الذرية الصالحه

[torki121]

الفلوس معقتد بتكون هدية لانها بتصله مع الرفد
لكن افضل شئ تهدية ساعة من ماركة معروفة
والله يوفقك ويوفقه ويرزقة الذرية الصالحة

[متوهق بعمري]

أولاً : مشكورين على المشاركة الحلوة .

ثانياً : القرآن الكريم غزيز على قلوبنا لكن ما حد ينكر إنه ماهو موجود في كل
بيت وهذا من فضل الله علينا ثم حكومتنا .

ثالثاً : الفلوس ,,, هذا حل من ضمن حلول لكن أنا ما معي بحكم إنني متخرج من الكلية ولحد الآن ندعو الله يرزقنا بوظيفة .

رابعاً : الساعة ،،، الساعة الحلوة ومن ماركة معروفة بتكون غالية وأنا ما معي فلوس ... وعيب علي إني أطلب فلوس من الوالد ... وأنا رجال ولله الحمد .

أخيراً : أنا فكرة بما أنني مصمم فوتوشوب أصمم له سواء : ـ

بطاقة دعوة زواج .

بطاقة تهنئة .

فأنتظر رايكم و مساعدتكم بالكلمات المنسقة للبطاقتين .

و مشكووووووووووورين

[سايق الخير]

الله يوفقه ويوفق الجميع

وأهم حاجة توقف معه بزواجه

(والعبارات)
ماتعرف أحد الشعراء الي بالمنتديات وتقولهم أسم العريس ويكتب دعاء وبيت شعر جميل ....؟

[متوهق بعمري]

آمييييييييين

و يا ليت أحد الأعضاء يساعدني