كذب العواطف

[(*§ معاندالوقت §*)]

ابد ياصاحبي ماظن تجرحني واقول تمون

مدامك تعمدت جرحي حشا واللي حصل كافي



تعذر وش بقا كافي دخيلك والجروح تمون

شهر شهرين وان طالت سنه والجرح متشافي



تموت العاطفه تذبل ولا حط الكرامه دون

فمان الله لو كان الموادع سم زعافـــي



هويتك صح ماخبي وسميتك زهر وغصون

وقلت امر تدلل وش تبي يالبلسم الشافي



بغيتك تحتضن قلبي وتسقيه الحنان بهون

وتبقى بسمتي واثرك تسير بوجهك اخلافي



وشفتك جرحي المر المرير الظاهر المدفون

بقلبي وبعيوني زدت حزني ضعف واظعافي



نعم ياللاسف ياللاسف سميتني مسجون

وفسرت العواطف ذل لاني بالهوى وافـــي



صحيح العاطفه كذبه معا شخص مريض يخون

نفضتك يارمل واليوم بغسل منك اكفاني



وانا اسف ولا اتأسف عليك اسف على المغبون

على القلب الوفي اللي هدالك شوقه الدافــي



وسلامتكم . . .