هذا غلاك

[الشبح]

انـا معـك كـلـي و لانــي مخلـيـك
مابـي افـارق مهجتـك لــو ثـوانـي

قلبـي يبـي قربـك و روحـي تنـاديـك
و العيـن تحفـظ زولـك اللـي غوانـي

ابـي يدينـي عطرهـا دوم فـي يـديـك
يـا عـود مـوزٍ راويٍ مــع ليـانـي

ابيـك و اللـي نـزل الغيـث انـا ابيـك
حبـك سـرق قلبـي عـيـانٍ بيـانـي

و ابيـع كـل النـاس يازيـن و اشريـك
بالـروح و عيونـي و نبـض قحطانـي

اسهـر و اعـد نجـوم ليلـي اناجـيـك
و ارحّـب بطيفـك ليـا مــن لفـانـي

كلي معك ..لك..لاجلك..ازعل و اراضيك !!
و البسـك حـبـي و دافــي حنـانـي

و اغـار مـن اهلـك و نـاس حواليـك
و اغـار حتـى مـن ثيابـك و اعـانـي

اموت فـي عيونـك و زولـك و طاريـك
لا مـن نظرتـك صـار عشـري ثمانـي

حتـى عيونـي .. شوفهـا يـوم الاقيـك
و الا عـن العربـان ..؟ ربـي عمانـي

ودي تفـك ظلـوع صـدري و واوريـك
قلبٍ خظـع.. و احسـاس حـبٍ خذانـي

هـذا غـلاك مـوثـقٍ لــك بتملـيـك
لو قلت مهما قلـت .. يعجـز .. لسانـي




و سلامتكم

[العنيد]

صح لسانك لاهنت وعساك على القوه

[الشبح]

العنيــــــــــد شكرا لك وعلى التواصل المستمر وصح بدنك

[حور]

الله يعطيك العافيه
رائعه
حور

[الشبح]

شكرا حــــــــــــــــــــور لردك وعلى التواصل الدائم


الشبـــــــــGHOSTــــــح

[جبرني الوقت]

صح لسانك والله يعطيك العافية لم اكن اعلم اني كنت اتحدث مع شاعر متمكن فكلماتك جميله جداً من جد الله يسعد ايامك :)

[جرح الغدر]

:D صح لسانك شبحوه والله مانت بسيط
هههههههههههه

[حلوووووه]

..

هو ذلك النبض الذي يضخ فيني الهواء ..

هو من يزرع في قلبي نجوم السماء ..

هو مدينة أسراري .. صبحي .. وليلي .. وأشعاري ..

وهو القيثاره التي أعزفُ عليها أوتاري ..

ملايين الاوركيد بداخلي يتفتح حين يهمس لي بحبه ..

لِـتـُـزهر العروق .. ويعبق الطيب في الشريان ..

ويوما سيقودهُ الشوق إليّ .. ويحُـط رحاله عندي ..

لأضمه بقلبِ شاعره ..

وأخلع عنه ثوب التعب من أسفاره ..!!!

.
.
.

الفاضل .. والقدير

الشبح

يقال أن الصمت أبلغ التعابير

والحقيقه هذا ما أوقفني هنا .. وأيضا السكون والوقار ..

ياسيدي

الكلمات عبارة عن همس حنون يتبعه سر الحنان .. يلتقيه موجاً هادئاً ..

فلك جزيل الشكر

تحياتي

[الشبح]

الاخ جبرني الوقت
صح بدنك والله يسعد ايامك دوم وشكرا على ردك

[الشبح]

الاخ عاشق حزن
دوم الضحكه يارب ويسلموووووووووو على ردك

[الشبح]

الاخت حلوووووه

هو مدينة أسراري .. صبحي .. وليلي .. وأشعاري ..

وهو القيثاره التي أعزفُ عليها أوتاري ..

الاخت حلوووووه انا لحنت وانت عزفتي

وانا ايضا اخذتني لحظات صمت واقف وبنظره تواضع لكلماتي امام قلمك ودمتي